洪天明昨日在屯门出席健身室开幕活动，洪天明直言从小到大都热爱运动，一直有健身Keep Fit，同时他亦以身作则，督促两名儿子勤做运动，天明说：“13岁大仔（洪大仁）锺意运动，最爱踢足球；10岁半细仔（洪竟稀）比较文静，我都有鼓励佢尽量拣自己锺意嘅运动，佢话锺意体操，当然冇问题，总之有运动就得！”虽然细仔个性偏静，但反而喜欢唱歌，更渴望出镜，对幕前兴趣极浓，天明笑言：“有时叫细仔帮我拍啲短视频，佢问我有冇对白，上年我喺横店拍戏，佢都有客串一个角色，我觉得无所谓，譬如学校有表演，对佢以后可能做经理、CEO，开会都有帮助，正如我想做演员，老窦都支持唔干预，未来条路自己拣，最紧要有一定学业基础，长大后想做咩都可以。”最近洪天明举家移居深圳，一家四口适应情况十分理想，天明表示：“香港同内地生活各有好处，小朋友都适应咗，以前佢哋读国际学校，而家想喺深圳读中文好难追，本地学校入唔到，但好在搵到间国际学校，中文程度畀佢哋慢慢追上，我觉得中文系世界语言，市场愈来愈大，好多地方用得到！”谈到与太太周家蔚的感情，天明坦言：“之前我喺内地工作多，成日唔喺香港，点解搬去内地？就系想我哋多啲喺埋一齐，但好奇怪，搬返内地，我嘅香港工作又多返，所以做艺人都要睇天时地利人和。”
10个月宝宝每天需要喝多少奶粉？
