广州好嘢，保护早茶文化之余，打响管制预制菜嘅第一枪！真系要拍烂手掌支持！
广州率先立法要求早茶点心必须要二十四小时内制作，呢一个行为，为宿清预制菜氾滥使用嘅餐厅敲响丧钟！为呢个内卷成性嘅时代，打响第一枪！
资本控制所谓中央厨房，将制作出嚟嘅预包装食品，分发到各个门店，然后呢啲预包装食品，以餐饮业嘅市场价销售俾顾客。呢一种行为唔单止係欺骗，仲喺度逐渐毁灭我哋国家嘅餐饮文化，尤其系传统餐饮文化以及佢嘅整体产业链。
我非常痛恨利用预制菜，利用所谓中央厨房，以快速上菜为荣嘅所谓餐饮店，尤其系餐饮连锁店。资本家要操作餐饮行业，标准化系佢哋必须要解决嘅问题。佢哋亦都花费咗重金同埋各种心思，合法化佢哋嘅中央厨房，佢哋嘅预包装制作！目的只有一个，不断扩张，垄断市场份额。
呢一种行为喺内地，尤其北方城市尤其氾滥。可能因为性格特点，同埋餐饮文化嘅区别，北方嘅同胞对预制菜嘅抵触比较薄弱。可能由于重油重盐重辣嘅菜式居多，所以，北方嘅预制菜式，亦都更加简单可以做得出嚟。而粤菜，讲究食材新鲜、烹饪亦都多样化，用蒸煮嘅方式烹饪嘅菜式，对食材嘅新鲜讲究近乎苛刻。所以，预制菜仲未喺广东粤菜泛滥。但系点心呢一样嘢就唔同，点心本身就系要提早做定，所以，呢啲预包装食品嘅点心就向我哋嘅早茶市场、粤菜市场出手！
今次广州政府出手简直顶呱呱！令到呢啲试图将粤菜市场毁灭嘅魔手得到制止！
我曾经讲过，我讨厌预制菜有好大成份系因为我自己做咗十几年嘅餐饮。我痛恨嗰啲连锁资本利用呢一种手法去内卷市场。更加同行好似西贝呢一种，用预制菜假冒现炒、现做菜品，已餐饮堂食价格欺骗消费者嘅行为。所以，我态度明确立场坚定，坚决抵制好似西贝呢一种餐厅 。正因为我做过餐饮，我深深咁知道餐饮业里面嘅各种操作同埋真相！所以我先至会咁痛恨呢啲扰乱市场嘅资本。
餐饮的确系一个行业，但佢更多嘅应该系文化。庞大嘅餐饮企业之所以存在，我认为系因为佢哋嘅管理出色，出品稳定，同埋有个人嘅技艺！通俗啲嚟讲，就系呢一间餐厅嘅嘢好食（厨师技艺高超）、健康、食材新鲜！如果唔能够做到呢一系列嘅嘢，用所谓中央厨房加工出嚟嘅预包装食品，剪开个塑料袋，喺个微波炉度叮一叮，喺个电磁炉度加热一下就摆上餐枱，仲要收正常餐厅嘅价格。咁样，我系绝对不能容忍嘅。而且我觉得呢一种行为应该要受到谴责同埋抵制！咁样呢个社会先至正常！
就好似音乐艺术一样。假如有一日，资本操纵AI量产音乐然后垄断音乐艺术行业。咁样对呢个音乐行业同样系一个悲哀。当然音乐艺术同炒菜唔同，佢冇咁容易复制。虽然有呢个趋势，虽然资本垂帘已久，但系始终冇办法征服音乐艺术呢一片天地。而餐饮业，就更唔应该俾资本垄断！所以我坚决抵制好似西贝呢一种所谓餐饮巨头。我无意得罪西北菜！但系我希望全世界人都可以清醒啲去对待呢件事。只要呢啲所谓餐饮龙头企业，唔改变佢嘅运作模式，仲系用所谓中央厨房去欺骗消费者！就算大罗神仙落嚟，都拯救唔到佢！听闻有大资本进驻西贝，要拯救呢一个企业。我就即管观望，睇下佢乜嘢葫芦卖咩药。如果佢仲系坚持完先嘅模式嘅话，我一定会加入抵制大军！
我哋广州真系抵赞，食在广州嘅金字招牌如果俾预制菜抹黑，咁就真系失鸠礼啦！广州好嘢！俾个赞我哋大广州！
